Во тек е голема полициска акција во координација со Jавното обвинителство за организиран криминал и корупција, потврдија од Mинистерството за внатрешни работи. Детали сепак не се соопштуваат, но според неофицијални информации, отворена е истрага за злосторничко здружување и злоупотреба на постапки за jавни набавки и jавно-приватно партнерство.
Предмет на претрес се документации поврзани со јавни набавки и снабдување со адитиви за РЕК Битола и РЕК Осломеј. Според првичните сознанија, направена е штета од 6,5 милиони евра. Претреси се прават во повеќе градови, а има и 10-на приведени.
Детали за акцијата се најавуваат по нејзиното завршување, во текот на денот.
Васко Ковачевски, поранешен директор на ЕСМ и близок соработник на екс-премиерот Зоран Заев, е меѓу вмешаните во операцијата на Министерството за внатрешни работи насочена кон организираниот криминал во РЕК Битола, ТЕЦ Осломеј и ТЕЦ Неготино. Во акцијата се вклучени 29 физички и 4 правни лица од различни градови, меѓу кои Кичево, Битола Велес и Скопје.
Но, Васко Ковачевски, екс-директор на ЕСМ кој се сомничи за тежок криминал во РЕК Битолa избегал од државата и се недостапни за власта.
Меѓу нив е и екс-директорот Васко Стефанов. Според изворите, Ковачевски уште од септември ја напуштил Македонија. Според првичните неофицијални информации, кои ги објави ПлусИнфо.
Уапсени се голем број на физички лица, а опфатени се и неколку правни лица од повеќе градови. Покрај Ковачевски, осомничен за кривичното дело несовесно работење во службата, е и Васко Стефанов, кој го наследи Ковачевски на позицијата генерелен директор на ЕСМ. Со акцијата е опфатен и Пеце Матевски од Битола, поранешен директор на РЕК Битола.
Стефанов и Матевски се осомничени дека помогнале да се злоупотреби постапка за јавен повик, како членови на злосторничко здружение. Комерцијалниот директор на ЕСМ, Ардијан Муча, пак, е осомничен за кривичното дело злоупотреба на службена положба.
Велешанецот Данчо Стојановски е осомничен дека водел криминална организација, а претходно бил комерцијален директор во ЕСМ. Властите имаат пристап до два негови сефови за докази. Маја Јорданова, исто така од Велес и братучетка на Стојановски, е осомничена како организатор и има милионски договор за адитиви од Италија за ЕСМ, добиен како единствен понудувач.
Таа работи во Ад Пошта и е сопственик на приватна компанија без вработени. Во истрагата е вклучен Небојша Стојановиќ од неготино, поранешен директор на ТЕЦ Неготино, кој исто така е осомничен за организирање. Тој го привлече вниманието за значаен договор во кој е вклучена фирмата на неговата сопруга Милица со РЕК Битола, каде потписник е осомничениот Пеце Матевски.
Оваа група преку јавни повици за набавка на адитиви за РЕК Битола и за ТЕЦ Осломеј злоупотребиле околу 6, 5 милиони евра.
На државата и нанеле штета, а за истото следува одговорност. Ова се последните неофицијално иноформации, а за целата акција најевено е соопштение од Обвинителството и од МВР.
