Жени во Македонија и понатаму умираат од болест што може да се спречи – рак на грлото на матката. Бројките се алармантни секоја година заболуваат околу од 150 до 200 жени, а дел од нив ја губат битката поради задоцнета дијагноза. Наместо 75 проценти од женската популација на скрининг за канцер на грло на матка одат само една третина покажува извештајот на Здружението за еманципација, солидарност и еднаквост, според нив, уште полошо е што од ден на ден интересот не расте туку опаѓа.
Според лекарите имунизацијата спречува појава на карцином. Достапна е деветвалентна ХПВ-вакцина, и колку е поголем опфатот на вакцинација толку помала ќе биде смртноста од болеста.
Од здружениот ЕСЕ велат дека главниот и најчест проблем за слаб одзив за скининг и вакцинација е комбинацијата од недоволна информираност, страв, срам, но и слаб систем на повикување и следење на пациентките. Дел од жените никогаш не добиле покана за преглед, а дел едноставно го одложуваат.
Само во 2025 година има 122 нови случаи со рак на грло на матка, најмладата пациентка има 18 години.Во Македонија годишно во просек умираат околу 70 жени од овој карцином.
