Ако рибокрадците продолжат да го пустошат Охридско,пастрмката и белвицата ќе завршат на црвената европска и светска листа како ендемични риби пред истребување,алармирааат еколозите.Иако законите предвидуваат строги мерки за заштита и покрај засилените контроли, недозволениот риболов и понатаму сериозно го загрозува рибниот фонд во езерото.Користењето забранети мрежи и ловењето во период на мрест се посочуваат како клучни причини за нарушување на биолошката рамнотежа во езерото. Дел од рибокрадците, најчесто ноќе и далеку од брегот, поставуваат мрежи, при што уништуваат и млада популација која сè уште не достигнала репродуктивна зрелост,отворено зборуваат искусните риболовци кои предлагаат да се превземат крајно ригорозни мерки за да се спречи ,како што велат геноцидот врз пастрмката и белвицата.
“Најповеќе се ловат рибите кои се најдоходовни нормално пастрмката, затоа помалку ја има.Сега се оди на лов на белвицата, таа е втора на удар. Со строги казни и ние често пати велиме свеста на луѓето да се издигне.Света на луѓето ја дигаат санкциите.Кога добри казни ќе има и ред да се стави “ –вели Љупчо Маслов,рибар
Полициските извештаи сведочат за редовни акции во кои се запленуваат километарски мрежи, чамци и стотици килограми незаконски уловена риба.За илустрација во периодот на мрест, од 1 декември кога е на сила е целосна забрана за лов,запленети се 26 рибарски мрежи и 1465 единки белвица. Спортските риболовци,без задршка кажуваат дека дневно од страна на рибократците се изловиваат од 500 кг до 1 тон риба.
“Па некаде од 500 кг до еден тон дневно се ловат и тоа се шверцува.Во Албанија се носи од овде белвица, од таму се носи пастрмка,значи цвета рибокрството цвета нелегалниот риболов.И во кафеаните треба се види продаваат којзнае колку килограми пастрмка а немаат од каде да ја набават”- ”-вели Радован Димитриески-здружение “Рибарски приказни”
Згора на се’, шест години по ред не се вршеше вештачко порибивање на езерото.Лани, после долг низ години министерството за земјоделство обезбеди сретства за спроведување на оваа активност. Од Хидробиолшкиот Завод чија основа дејност е порибување на езерото, а се спроведува 90 години откога постои научната установа,велат паузата од 6 години нанесе несогледливи последици. Годинава почнувајќи од 21-ви јануари, веќе се врши вештачкиот мрест. Сознанијата со кои што располагаат природонаучниците, а се резултат на спроведените истражувања покажуваат дека е загрижувачка состојбата со ендемичните видови риба. Од ресорното министерство потенцираат дека во периодот кој следува ќе мора од корен да се менува законската регулатива но не само кај нас, туку и во Албанија оти само така ќе успееме да го заштитиме рибниот фонд на Охридското езеро.
