Пожарот Кенет, кој ги зафати окрузите Лос Анџелес и Вентура, во моментов е 50 отсто локализиран, соопшти Калифорниската противпожарна служба. Пожарот досега се прошири на 1.052 хектари, а пожарникарите се уште се борат со него, јавуваат светските медиуми. Гувернерот на Калифорнија Гавин Њусом повика на независна истрага за тоа како критичните противпожарни хидранти останале без вода и ја „оштетиле“ борбата против шумските пожари во областа Лос Анџелес.
Шумските пожари досега опустошија населби во Лос Анџелес од источната и западната страна, одземајќи 11 жртви, и пеплосаа околу 10 000 објекти и 14 000 хектари земјиште. Пожарите и понатаму беснеат. Жителите чии домови беа проголтани од пламените јазици се уште се во шок и истрауматизирани од најверојатно најголемата природна катастрофа што ги погоди Соединетите Американски држави.
Живеевме тука скоро 16 години. Да беше прекрасен дом и имаме многу убави моменти овде. Мојата ќерка има пријатели најмалку петмина ја загубија куќата. За цели семејства на долг рок ќе биде долго закрепнување.
Навистина е лошо. Илајдници луѓе сме, навистина не знам шо ќе правиме. Не знам каде ќе одиме. не знам колку објекти беа оштетени, но тоа е многу. Не знам како сите ќе ја добиеме потребната помош, на сите ќе ни теба помош.
Министерството за здравство и социјална заштита на Соединетите Американски Држави прогласи вонредна состојба во јавното здравство за Калифорнија за да се справи со последиците од шумските пожари. Воведен и полициски час. Огнените стихии ги опустошија квартовите на Лос Анџелес на источната и западната страна, убивајќи досега најмалку десет лица и уништувајќи речиси 10 илјади градежни објекти.
Претседателот Бајден ги прогласи пожарите за голема катастрофа и изјави дека американската влада ќе ги покрие сите трошоци за опоравување во следните шест месеци.
Сто проценти од сите трошоци ќе бидат покриени од федералната влада и од системот за управување со пожари. Ќе упатам апел до конгресот на САД. Ке побараме помош за на овие луѓе да им се обезбеди засолниште и да ја добијат потребната поддршка, вели американскиот претседател Џо Бајден.
Инаку, поради големиот број на грабежи коишто се случиле на погодените, евакуирани подрачја, воведен е строг полициски час во областите области кад има најголема штета од пожарите.
Тековно се активни пет пожари, а најголемиот од нив досега изгорел повеќе од 8.000 хектари земјиште близу Малибуа и областите Пацифик Пелисејдс.
Иако ветерот ослабува, што е во корист на пожарникарите, најавени се нови евакуации во областите Пацифик Пелисејдс.
Исто така, отворени се повеќе од десетина прифатилишта за животни.
„Пожарите, заедно со силните ветрови, сериозно го влошија квалитетот на воздухот со испуштање опасен чад и честички, што претставува непосреден и долгорочен ризик за јавното здравје сооштува американскиот одел за јавно здравје.
