Диви депонии многу, а комунални инспектори малку. Недостатокот од ваков кадар, се уште рак рана за општините. Најалармантно е во помалите и рурални средини. Засега проблемот голем дел од општините, го решаваат со меѓуопштинска соработка.
„Можеби треба да се зголеми бројот на комуналните инспектори и да имат поголеми овластувња, во однос на нивното постапување. Општина Битола има меѓуопштинска соработка со две помали општини Могила и Новаци. Бидејќи тие немаат соодветен кадар со меѓуопштинската соработка постаппуваме и таму, изјави Сашо Илиовски, комунален инспектор во Општина Битола.
Праксата покажува, дека секојдневно никнуваат мали диви депонии, на кои најчесто се одлага градежен шут и кабаст отпад, рерагират од Здружението на комунални инспектори. Само годинава во Штип, поради непочитување на Законот за комунални дејности,инспекторите казниле 30физички лица и шест фирми.
„Најчесто се казнуваат за одлагање на земја, градежен шут на јавни површини. Исто така за чување на живина и стока во централно градско подрачје„ изјави Борче Везенков, комунален инспектор во Штип.
Освен зголемување на бројот на инспектори, потребно е зголемување и на висината на казните. За фрлање на градежен шут, казната е 50евра, која доколку се плати веднаш се намалува за 50%.
