Скандал во Институтот за јавно здравје.Исклучени фрижидерите во кои се чуваат реагенси за тестирање на заразни и незаразни болести.Сомнежите се дека некој од вработените го сторил тоа.А дали е намерно или не ќе утврдуваат полицијата и обвинителството.Тие покренале постапка дали станува збор за диверзија или невнимание. Според директорката Марија Андоновска стручната проверка ќе покаже дали и колкава е штетата, и побара случајот да се истражи до крај.
“Случајот го пријавивме до надлежните институции и се надевам дека ќе констатираат дали ова навистина е диверзија или случајност. Ги проверуваме реагенсите дали се оштетени. Станува збор за големи количини на реагенси. Меѓу другите, таму беа и реагенсите и за голема кашлица. Во моментов имаме епидемија и замислете, доколку не реагиравме соодветно, денеска ќе немавме да имаме ниту еден реагенс” вели директорката на ИЈЗ, Марија Андонова.
Андоновска ќе бара од МВР да се постават камери во оваа здравствена институција за да има поголема безбедност. Таа е загрижена за последиците – со овој случај може да се загорзи здравјето на пацинетите но и материјалната штета би била огромна.
„Не се работи само за тоа дека ќе имаше оромна материјална штета, туку тоа ќе предизивика општа опасност по здравјето и животот на граѓаните” вели Андоновска.
МВР потврди дека било пријавено за скандалот. И јавното обвинителство отвори предмет по допрен глас, за да се испита дали во конкретниот случај дали има кривично дело.
„Се прибира документација, се вршат разговори со лица кои би можеле да имаат сознанија за настанот и се прават сите неопходни проверки, а за исходот од преземените дејствија јавноста ќе биде известена“, велат од ОЈО.
Пред неколку дена, Андоновска алармираше и за друг проблем во ИЈЗ. Во време на епидемија, кога расте бројот на заразени од голема кашлица државата е оставена без реагенси за тестирање од оваа болест.Таа го обвини претходното раководство на Институтот за јавно здравје, дека без ни малку совест ја оставило установата без доволен број реагенси.
Ања Лукарова
