Како нова политичка партија основана врз темелите на Илинден и АСНОМ, Движењето ЗНАМ – За наша Македонија ги исполнува своите три клучни цели: транспарентност, отчетност и одговорност. Претседателот на партијата, Максим Димитриевски, во своето гостување на една од националните телевизии, истакна дека ЗНАМ ги менува досегашните политички навики во државата, информира партијата во соопштение.
Движењето ЗНАМ – За наша Македонија го менува начинот на кој политичките партии комуницираат со граѓаните. По само две години учество во извршната власт, ЗНАМ излегува пред јавноста со конкретен отчет за сработеното. Вкупно 42 функционери на централно ниво поднесоа извештаи за својата работа, кои се јавно достапни. За ЗНАМ, транспарентноста, отчетноста и одговорноста не се декларативни принципи, туку обврска кон граѓаните.
– Не бараме од граѓаните само да ни веруваат. Им покажуваме што сме работеле, што сме направиле и за што сме подготвени да понесеме одговорност, порача претседателот на ЗНАМ, Максим Димитриевски.
ЗНАМ останува на определбата за нула толеранција кон корупцијата во власта. „Она што го краси ЗНАМ е фактот што ниту еден наш партиски функционер не се огрешил пред законот и дека нема простор за корупција, истакна Димитриевски.
Партијата смета дека довербата во институциите може да се гради само преку јасна политичка и лична одговорност на носителите на функции.
Позицијата на ЗНАМ е јасна: функцијата не е привилегија, туку одговорност.
– Функциите за нас не се најважни. Важна е работата што треба да се заврши и резултатот што треба да го добијат граѓаните, истакна Димитриевски.
Димитриевски посочи дека учеството на ЗНАМ во власта има и политичка функција – обезбедување стабилно и мултиетничко мнозинство, со цел државата да не се враќа во модели на политички уцени и поделби.
ЗНАМ останува на ставот дека процесот на европска интеграција треба да се одвива со јасно дефинирани услови.
– Решението е само едно: условени амандмани за членство во ЕУ – Македонија да стане полноправна членка, а амандманите да се применат дури тогаш, без какви било дополнителни уцени, порача Димитриевски.
ЗНАМ продолжува со теренската презентација на отчетот пред граѓаните. Целиот процес ќе биде заокружен во декември, по повод три години од основањето на Движењето ЗНАМ – За наша Македонија.
