Делегација од Општина Берово, заедно со претставници на Територијалната противпожарна единица (ТППЕ) Берово, денеска престојува во официјална посета на Општина Кумровец, Република Хрватска, каде присуствува на свеченото одбележување на 75-годишнината од основањето на Доброволното противпожарно друштво (ДВД) Кумровец.
Посетата претставува можност за размена на искуства и знаења во областа на противпожарната заштита, како и за унапредување на соработката меѓу двете општини и нивните противпожарни служби.
Во рамки на посетата, особено внимание се посветува на соработката меѓу пожарникарските служби, преку размена на практични искуства, знаења и добри практики во справувањето со пожари и други видови интервенции.
Од Општина Берово посочуваат дека ваквите средби се значајни за воспоставување и продлабочување на партнерските односи, но и за создавање можности за идни активности и заеднички иницијативи во областа на противпожарната заштита.
Учеството на делегацијата од Берово на одбележувањето на значајниот јубилеј на ДВД Кумровец воедно претставува можност за продолжување на пријателските и партнерските односи со Општина Кумровец, со акцент на соработката од непосреден интерес за безбедноста на граѓаните.
Општина Берово и ТППЕ Берово преку ваквите активности ја потврдуваат заложбата за размена на искуства и унапредување на капацитетите во насока на создавање побезбедни и посигурни локални заедници.
