Реклама

Хаосот со кравите во Крива Паланка ја премина секоја граница, ВМРО-ДПМНЕ му нуди готов акциски план на градоначалникот Митовски

Последниот бугарски цар „политички некоректен“ кон Радев: Местото на Македонија е во ЕУ, историјата да се остави на историчарите

Пензиите, игрите на среќа и наплатата на даноци во фокусот на пратеничките прашања

Цанов објави нови пораки од Ива Михајлова: „Сите ќе умреме уште вечерва“ – барала да го повлече видеото за наводните притисоци од ДАНС

Владата ќе ги модернизира патарините, дигитализацијата и вештачката интелегенција треба да бидат во функција на побрзо патување

На повидок раскол во ДУИ: Груби и Османи, преку свои верни пиони влегоа во отворен судир за превласт

30-дневен притвор за Кристијан Корабоски, кој до бесознание ја претепа Сара

Панел-дискусии во Собранието по повод 35-годишнината од донесувањето на првиот Устав

Успешен старт на предвремениот откуп на тутунот – 435 денари за прва класа, најавено зголемување на субвенциите

Реновираниот студентски дом „Кузман Јосифовски – Питу“ ќе биде отворен во јануари, од февруари сместување

„Јавачи на трагедии“: Во отсуство на идеи, СДСМ спасот го гледа во злоупотребата на народниот гнев

35 години Устав на Македонија: Кратка, но и повеќе од бурна историја- до сега менуван осум пати, сега под бугарски притисок за нови измени

Македонија

Делчево формира Совет за развој на туризмот за поинтензивен локален економски развој

Општина Делчево започнува нова фаза во креирањето на локалните политики за економски развој преку формирање Совет за развој на туризмот, тело кое ќе има задача да ги обедини институциите, стопанството и граѓанскиот сектор во насока на поефикасно искористување на туристичките потенцијали на општината. Градоначалникот Иван Гоцевски информира дека по направените анализи на состојбите во локалната […]

Сподели:
Фото: Алфа Вести

Општина Делчево започнува нова фаза во креирањето на локалните политики за економски развој преку формирање Совет за развој на туризмот, тело кое ќе има задача да ги обедини институциите, стопанството и граѓанскиот сектор во насока на поефикасно искористување на туристичките потенцијали на општината.

Градоначалникот Иван Гоцевски информира дека по направените анализи на состојбите во локалната економија и функционирањето на општинската администрација било утврдено оти недостига интегрирана и синхронизирана соработка меѓу општинските служби, стопанството и останатите чинители во областа на локалниот економски развој.

– Во изминатиот период работевме на зајакнување на капацитетите на месните и урбаните заедници со цел секое населено место активно да учествува во креирањето на развојните политики. Паралелно воспоставивме нови механизми за соработка со стопанските субјекти и невладините организации, а туризмот е препознаен како една од областите со најголем потенцијал за раст во Делчево, изјави Гоцевски.

Реклама

Советот ќе биде координиран од градоначалникот и службите за локален економски развој, а во неговата работа ќе бидат вклучени претставници од културните институции, спортските и фолклорните здруженија, планинарските клубови, образовните установи, Македонската православна црква, локалните медиуми, угостителскиот и хотелскиот сектор, транспортните компании, месните заедници, како и претставници од Министерството за внатрешни работи, Граничната полиција и надворешни експерти.

Основна задача на Советот ќе биде воспоставување силна институционална платформа за развој на туризмот преку активно учество на сите релевантни чинители во креирањето на туристичките политики и дефинирањето на конкретни мерки и проекти.

Меѓу приоритетите се развој на одржлив туризам, подобрување на туристичката инфраструктура, промоција на природните, културните и историските богатства на Делчево, поттикнување инвестиции во туристичкиот сектор, отворање нови работни места, зголемување на бројот на домашни и странски посетители и унапредување на соработката меѓу јавниот, приватниот и граѓанскиот сектор.

Од Општината оценуваат дека со формирањето на Советот за развој на туризмот се поставуваат нови темели за системски пристап кон развојот на туризмот, со амбиција овој сектор во наредните години да стане еден од главните двигатели на локалниот економски раст и развој.