Дедо Мраз заедно со Супермен, Спајдермен, Мики Маус како и други херои од цртаните филмови ги посетија дечињата на Детската клиника. Во акцијата на Црвен крст, тимот за спасување од планина се преоблече во херои од цртаните филмови.
Тие изведуваа показна вежба и на дечињата им делеа подароци и пакетчиња. Оваа хумана акција со наслов „Подари насмевка“ – по осми пат, има за цел на децата кои за време на празниците, за жал, нема да бидат дома да им се разубават празничните денови и да се разбудат насмевки кај нив. Вежбата оваа година се реализира во соработка со Министерството за внатрешни работи и хеликоптерската единица.
