Спречен e обид за сериозен меѓународен криминал, при што запленети се девет пиштоли, од кои пет со голема пробивна моќ, а едно лице, македонски државјанин, е лишено од слобода и се наоѓа во притвор.
Како што соопштија од Царинската управа, делото е откриено во вторникот вечерта од страна на царински службеници на граничниот премин Богородица на излез од државата при детален претрес на возило со македонски регистарски таблички, управувано од македонски државјанин, при што во покривот, помеѓу лимот и тапацирот, се пронајдени пиштоли „црвена застава“.
– Случајот е предаден на Одделението за истраги при Секторот за контрола и истраги, кое го лиши лицето од слобода, и по преземање предистражни дејства, против него е поднесена кривична пријава до ОЈО Гевгелија за сторено кривично дело неовластено држење, посредување и тргување со оружје и експлозивни материи, казниво во согласност со Кривичниот законик – наведуваат од Царинската управа.
По наредба на јавен обвинител, лицето се наоѓа во притвор, а истрагата е во тек.
