На повидок ли е нов скандал со прислушување? Агенцијата за национална безбедност се уште поседува опрема за следење на комуникациите, алармираше тех. министер на МВР, Чулев.
Иако на 1 септември минатата година официјално почна со работа АНБ која не смее да следи разговори, сепак и по речиси 9 месеци работа, имаат техничка можност за прислушување.
Според Чулев тоа е незаконски, но и спротивно препораките на Прибе, вели за овој скандал со АНБ дознал пред 2 дена.
Чулев истакна дека оние реформи во делот со следење на комуникациите биле само замајување на јавноста, оти сепак и покрај законските решенија поранешната УБК, сегашна АНБ, се уште има посредничка улога во следењето на комуникациите, но и има можност да следи разговори, што е недозволено.
Чулев рече дека нема информација дали АНБ во моментов врши незаконско прислушување, но побара од Јавното обвинителство по допрен глас да истражи кој е одговорен и зошто две години не е воспоставена директна техничка комуникација меѓу Министерството за внатрешни работи и Оперативно-техничката агенција.
Денеска министерот испратил писмен акт до директорот на ОТА, соопшти дека ќе испрати и информација до Владата за како што рече монополот на АНБ за следење на комуникациите.
За незаконско следење на комуникациите од некоја од безбедносните агенции во Македонија предупредија и од ВМРО-ДПМНЕ. Во изјава за Алфа, потпредседателот на опозицијата Николовски кажа дека врвот на партија е телефонски, но и физички следен.
Мери Ѓорѓиевска
