Реклама

Хаосот со кравите во Крива Паланка ја премина секоја граница, ВМРО-ДПМНЕ му нуди готов акциски план на градоначалникот Митовски

Последниот бугарски цар „политички некоректен“ кон Радев: Местото на Македонија е во ЕУ, историјата да се остави на историчарите

Пензиите, игрите на среќа и наплатата на даноци во фокусот на пратеничките прашања

Цанов објави нови пораки од Ива Михајлова: „Сите ќе умреме уште вечерва“ – барала да го повлече видеото за наводните притисоци од ДАНС

Владата ќе ги модернизира патарините, дигитализацијата и вештачката интелегенција треба да бидат во функција на побрзо патување

На повидок раскол во ДУИ: Груби и Османи, преку свои верни пиони влегоа во отворен судир за превласт

30-дневен притвор за Кристијан Корабоски, кој до бесознание ја претепа Сара

Панел-дискусии во Собранието по повод 35-годишнината од донесувањето на првиот Устав

Успешен старт на предвремениот откуп на тутунот – 435 денари за прва класа, најавено зголемување на субвенциите

Реновираниот студентски дом „Кузман Јосифовски – Питу“ ќе биде отворен во јануари, од февруари сместување

„Јавачи на трагедии“: Во отсуство на идеи, СДСМ спасот го гледа во злоупотребата на народниот гнев

35 години Устав на Македонија: Кратка, но и повеќе од бурна историја- до сега менуван осум пати, сега под бугарски притисок за нови измени

Македонија

Човек од карантин обвинува: Со врски може да ве префрлат од одморалиште во карантин

Ургенции или пари за подобар кревет во државните карантини?! Повратници од странство…

Сподели:
Фото: Алфа Вести

Ургенции или пари за подобар кревет во државните карантини?! Повратници од странство откриваат дека лица вратени со т.н. хуманитарни летови на Владата, фаќале „врски“ за да бидат сместени во подобар хотел или во домашна изолација. Скопјанецот Дејан Димитриевски, кој во екот на короната се затекнал во Перу, а сега е сместен во карантин во Кавадарци, сведочи дека млади лица кои допатувале со него, уште на самата граница, барале партиски или пријателски врски за да бидат сместени во Скопје.

„Се бараа врски по партиска линија, по пријатели, роднини, за да се оди во Скопје. Еден од тие што се сега во Ибис сместени, беа извикани од полицијата надвор, тогаш се случува договорот. Стигнаа до Кавадарци, најверојатно планот бил да не се прави паника помеѓу нас останатите 24. На тивок начин беше, нас не затворија сите во собите, а нив потоа ги извадија“, вели Димитриевски.

Од генералниот секретаријат негираат – велат има неколку случаи на повратници преместени од државните карантини, но зад сите нив имало оправдани здравствени причини.

Реклама

„Бремена жена која допатува од Дубаи, во осмиот месец од бременоста од државниот карантин беше однесена во домашна самоизолација. Имаше уште неколку случаи, на пациенти кои во земјава се вратиле после сериозни оперативни зафати извршени во странство. За сите нив, согласно медицинската документација, беше одредена домашна самоизолација“, вели владиниот ген сек, Драги Рашковски.

Алфа неодамна објави дека мајка и ќерка од Радовиш кои во земјава допатувале од Швајцарија, наместо да поминат 14 дена во државен карантин, ургирале да бидат преместени во домашна самоизолација. Тие од хотелот Попова Шапка, со возило на Итната помош од Штип, биле префрлени во нивниот дом. За овој случај Алфа одговор побара од надлежното Министерство за здравство, но за сега не добивме објаснување.

Откако почна кризата, а земјите во Европа и регионот ги затворија границите, со помош на МНР во земјава се вратиле над 2700 граѓани. Во вторник се очекува да пристигнат уште 297 македонски државјани од Северна Италија.

Биљана Божиновска