Честитка по повод 8 Септември – Денот на независноста до сите граѓани упати братството на Бигорски манастир.
- Братството на Свештената бигорска Обител на сите граѓани на Република Северна Македонија, радосно и срдечно, им го честита Денот на независноста. Вечен им спомен и слава на сите македонски родољупци и слободољупци. Бог нека ни ја сочува Татковината вечна и нека им вдахне родољубие на сите наши политичари – стои во честитката.
Се наведува дека 8-ми Септември 1991 година ја возгласи на целиот свет вистината дека македонскиот народ е достоен за дарот на слободата и за самостоен државен живот.
Исто така се посочува дека „она што е воздухот за телото, тоа е слободата за човечката душа и колку еден народ има поразвиено самосозание, толку повеќе тој ја цени слободата”.
