Државната комисија за спречување корупција, добила анонимна претставка во која пишувало дека новиот директор на Агенцијата за национална безбедност, Бојан Христовски наводно не ги исполнува условите за да биде директор.
Врз основа на оваа преставка, антикорупциска отворила предмет за да ги провери наводите.
„Пристигната е претставка од анонимен подносител за наводно непоседување услови на новоназначениот директор на Агенцијата за национална безбедност. Ќе отвориме предмет и ќе се постапува по претставката а нејзината содржина дополнително не можам да ја образложувам„ –велат од антикорупциска.
Инаку, Бојан Христовски, новиот директор на АНБ изминатите денови е цел на остри критики од страна на опозицијата, која обвинува дека со назначувањето на Христовски било направено „партиско киднапирање“ на Агенцијата за национална безбедност. Од Владата пак тврдат дека нема ништо спорно во неговото назначување и дека се целосно испочитувани сите закони и прописи.
