Директорот на Дирекцијата за заштита и спасување (ДЗС) Стојанче Ангелов од вчера е во дводневна работна посета на Хрватска. Како што информираат од ДЗС, на вчерашната средба со Ивица Видовиќ, директор на Воздухопловно техничкиот центар на Хрватска, била разгледана можноста за сервис на ер тракторите на ДЗС во овој Центар.
-Во текот на вчерашниот ден Ангелов одржа работна средба и со Славко Туцаковиќ, главен заповедник на хрватските Противпожарни сили и Анте Санадер, претседател на хрватската Противпожарна заедница и пратеник во хрватското Собрание. На средбата Ангелов беше запознат со структурата и начинот на функционирање на хрватската противпожарна служба после реформите направени пред неколку години. Денеска Ангелов ќе ја посети Дирекцијата за цивилна заштита на Хрватска каде ќе се сретне со директорот Невен Карас и раководниот тим, соопшти ДЗС.
Во текот на денешниот ден, како што се посочува во соопштението, Ангелов ќе се сретне и со главниот командант на Јавната противпожарна станица на Загреб Синиша Јембрих и неговиот тим.
