Сите државни патишта се проодни и безбедни за сообраќај, информира АМСМ. Поради снежните врнежи се препорачува внимателно возење. Екипите на надлежните претпријатија се на терен и континуирано го расчистуваат снегот.
Се апелира на задолжителна употреба на зимска опрема, прилагодена брзина и почитување на сообраќајната сигнализација. Слаб снег провејува во Струмица, Крушево и Ѓавато, без задржување на коловозот.
Сообраќајот надвор од градовите е умерен, а на граничните премини нема подолги задржувања. Посебна внимателност се препорачува на планинските и клисурните патни правци.
