За настраданите во пожарот во Кочани фармацевтската компанија „Алкалоид“ донира 15 милиони денари. Средствата ќе се распределат преку Фондот на солидарност на Црвениот крст. Компанијата упатува благодарност до 165-те ангажирани волонтери на хуманитарната организација, како и на сите што помогнале во справувањето со последиците од трагедијата. Во соопштението се наведува и благодарност до здравствените системи и професионалци во земјата, регионот и Европа, кои несебично ги ставија на располагање своите ресурси и знаења. „Алкалоид“ продолжува да помага каде што е потребна помош и поддршка. Од денот на несреќата 16 март, компанијата симболично им помага на здравствените установи во Македонија со производи од својот асортиман.
