И покрај молкот и оскудните информации што институциите ги пласираат околу случајот со запленетата марихуана во Србија и поврзаноста на Македонски компании, неофицијално станува јасно дека овојпат работите не се туркаат под тепих.
Напротив се водело тивка операција, во тесен и затворен круг за директен удар врз канабис тајкуните во Македонија.
Неофицијално вечерва е во тек полициска опсада на повеќе објекти и локации во Струмица и Струмичко, а воедно и објектот во Скопје во поранешниот комплекс „Охис“ е целосно запоседнат од властите од четврток вечерта. Наводно вклучени се повеќе институции полиција, царина, здравствени служби и јавно обвинителство а се насочени кон мрежата на т.н. „легални“ производители на канабис кои со години ја злоупотребуваат дозволената дејност.
За сега нема потврди, нема деманти. И токму тоа говори многу. Очигледно институциите решиле овојпат да не играат по старото сценарио со притисоци, протекување информации и политички калкулации, туку да одат до крај, тивко, системски и без компромиси. Премиерот Мицкоски денес при изјавите за медиуни не сакаше да се впушта во детали за марихуаната запленета во Србија, што говори дека во позадина била опсежна акција на МВР.
Овие структури не се случајна појава, туку производ на години толеранција, заштита и дупки во системот, создадени и одржувани од политичко-бизнис елити од минатата власт предводена од Заев.
Дали овој институционален молк е знак дека конечно се удира во срцето на проблемот, а не по маргините, ќе покаже периодот што следи. Ако тишината значи дека се подготвува финален и тежок удар врз легализираното криминално профитирање тогаш вреди да се почека. Повеќе информации се чекаат во текот на утрешниот ден.
