Во пресрет на Велигденските празници, инспекторите од Агенцијата за храна и ветеринарство спроведуваат вонредни засилени контроли. Деновиве направени се 350 инспекциски надзори, а откриени и уништени се 1230 килограми небезбедни производи, најмногу месо, преработки од месо, јајца, бои за јајца, мед, ракија и маслиново масло. За утврдените прекршоци, изречени се казни во износ од 3650 евра и издадени 22 решенија за отстранување на нелегалните производи од пазарот. Агенцијата апелира до граѓаните да бидат внимателни при купување храна и да избираат само од одобрени оператори, посебно за леснораспливи производи, и да ги проверат декларациите, роковите на употреба и условите за чување.
