Калашникови, терористи маршираат во униформа, сцени од битката за Арачиново, извици УЧК, УЧК – на Али Ахмети не му остана ништо освен во очај да се во повикува на своето воено минато. Додека зад него на видео бим одеа снимките од војната во 2001 година, а публиката го скандираше дури и името на бегалецот Артан Груби, кој патем е и на црната листа на САД, Ахмети не бираше зборови и рафално удри по сите, не бирајќи зборови – Вреди биле кучињата со кои премиерот тргнал на нив, а со кучиња не се ловеле орли.
„Христијане, млад си, размисли добро. Не се соочуваш со скапоцени камења или краставици, туку со добро специјализирани кадри, тимови во сите области. Мицкоски со кучиња оди на лов на зајаци, но не и на орли. Орелот не се бори со кучиња, слуги и негодници кои ги дресирате за да нè оцрните. Орли, летајте високо во синилото, кучиња, чувајте се од зајаци“, изјави претседателот на ДУИ, Али Ахмети.
Ваквата воинствена реторика и националистички говор воопшто не се изненадување, ако се има в предвид дека пред само една недела Ахмети предвиде и црно сценарио за распад на Македонија доколку не влезе во ЕУ. Едни ќе оделе со Албанија, другите со Бугарија, затоа што тие ќе биле веќе дел од Европа.
Додека Ахмети се занимава со мрачни сценарија и војната од 2001, неговите противници од ВРЕДИ кампањата ја започнаа со сосема друга, позитивна реторика. Зборуваат за конкретни проекти и идеи за подобар живот на Албанците во Македонија. Но, не останаа должни на нападите и навредите од ДУИ.
Изет Меџети, еден од лидерите на ВРЕДИ на својот Фејсбук профил оцени дека со ваквиот недостоинствен настап, Ахмети си ја запечатил политичката кариера. Според него пораките од митингот не претставуваат демонстрација на сила, туку напротив знак на слабост.
„Во моментот кога си ги нарекол ‘загари’ сите Албанци кои не мислат како тебе, си ја завршил политичката кариера. вечерва го стави печатот на делегитимирањето“, објави вицепремиерот и министер за животна средина Изет Меџити.
Ваквиот старт на кампањата наговестува дека битката меѓу ДУИ и Вреди за Чаир и Гостивар ќе биде жестока. Последните мерења на јавното мислење, преставуваат разочарување за ДУИ, затоа што покажуваат дека разликата меѓу нив и Вреди е минимална.
