Ќе биде ли Арбен Таравари клучната фигура за аморитзирање на поразот на Владата на СДСМ и ДУИ? Од Алијанса на Албанците молк за оваа тема. Алфа го побара првиот човек на партијата како и нивната прес служба, но одговори не добивме. Според последните анкети, рејтингот на социјал-демократите драстично опаѓа, додека пак на интеративиците е горе-доле статус кво, исто како и на Алијанса на Албанците. Раст во рејтингот може да се забележи во одредени изборни едниници кај здружената опозицијата од албанскиот блок, но сепак не доволна за да го порази целосно ДУИ.
Затоа СДСМ од петни жили се обидува да ја убеди партијата од Мала Речица да оди во предизборна коалција со нив, но Ахмети калкулира дали да оди со СДСМ, дали сами. Во игра е и нова опција – заедно со Таравари.
Според неофицијални информаци Ахмети му понудил на Таравари 8 пратенички места и 5 градоначалнички, во замена за предизборен коалициски договор. Според информации на Алфа, Таравари не би сакал да биде дел од коалција со ДУИ и се поверојатно е дека нема да ја прифати понудата, сепак дел од крилото на Зијадин Села премолчно ги влече конците кон коалција со ДУИ.
Се поверојатно е дека Алијанса би настапиле сами, но има и некакви шанси да одат со Меџити, Гаши и Касами, причина плус зошто постои таа веројатност е поддршката која ја добиле од Курти.
Според последните анкети, доколку би се правеле предизборни коалации, дури и СДСМ, Алијанса и ДУИ да одат заедно на избори со дузина помали партии, сепак нема да можат да ја формираат новата влада, оти бројката на гласови на ВМРО-ДПМНЕ и опозицијата од политичкиот блок на албанската заедница е поголема.
Слични се предикциите и за претседателските избори, и таму се чека да се види која страна ќе ја заземе Таравари, и дали ќе излезат со сопствен кандидат или пак поддршка ќе дадат на некој друг.
