Вечерва во Гостивар, и формално ќе биде потпишан коалицискиот договор помеѓу претседателот на ДУИ, Али Ахмети и претседателот на собранието на Алијансата за Албанците, Зијадин Села. Села пред два дена одлучи со неговото крило да се приклучи на т.н. Европски фронт, предводен од интегративците.
Според најавите, Села ќе биде носител на пратеничката листа во петтата изборна единица. Досега на Европскиот фронт на Ахмети му се приклучија и ДПА, Европската демократска партија, Народното движење, Унијата на Ромите, Демократската партија на Турците и Движењето на Турците.
