По повод одбележувањето на Светскиот ден на Мултиплекс склероза (МС), Мобилност Скопје со поддршка од страна на град Скопје, единаесетти пат организира мирен марш за силно поткревање на гласот на лицата со МС, Параплегија, Дистрофија и Детска парализа, како и успешно подигнување на јавната свест за овие дијагнози и состојби, постојаната борба за остварување на нивните права и создавање кохезија со заедницата за еднакви можности.
По тој повод денеска во 10 часот, ќе се организира собир пред Порта Македонија каде се најавува присуство на голем број на членови, пријатели, поддржувачи, јавни личности, лица од сферата на здравствениот, политичкиот и јавниот живот во државата и медиуми.
Во 11 часот со мирен марш поворката од учесници ќе тргне по улица „11 Октомври” кон Собранието на РМ и ќе се движи се до ДХО „Даре Џамбаз”.
