Заев започна со бришење на терминот „македонски’’ од сите државни институции, а сега неговиот потрчко и чувар на фотелјата во СДСМ, Венко Филипче е спремен на тоа празно место да напише „северномакедонски’’, изјави Валентин Манасиевски, член на ЦК на ВМРО-ДПМНЕ на денешната прес – конференција, стои во соопштението од Центар за комуникации на партијата.
Само СДСМ и Филипче немаат проблем кога некој не нарекува „северномакедонци’’, затоа за нив тоа е успех и се горди на тоа.
Само Филипче и СДСМ, и нивниот врховен лидер Заев, немаат проблем да водат антинационална и антидржавна политика, која е во интерес на бугарските власти. За нив, нема ништо лошо во тоа Бугарија да го негира нашето постоење пред 1944 година, нашите револуционери и дејци да бидат Бугари и нашиот македонски јазик да биде произлезен или пак дијалект на бугарскиот јазик.
Само Филипче и СДСМ повикуваат на уставни измени, кои се првиот чекор од сетот барања кои самата Бугарија, односно нејзините власти, јасно кажаа дека ќе ги имаат.
Филипче и СДСМ се на иста линија со Бугарија. Ставовите им се исти, барањата им се исти. Уценетиот Филипче молчи и не одговара за што е уценет од група на бугарски политичари? Дали во уцената е вмешан и Зоран Заев?
Филипче треба да се вразуми и да ги штити македонските интереси, а не бугарските интереси. Македонија мора да добие јасни гаранции дека уставните измени ќе бидат последното барање за влез на Македонија во ЕУ. Македонија мора да влезе во ЕУ како достоинствена, горда и исправена држава, а не наведната, усрамена и понижена како што беше со влезот во НАТО алијансата.
