Поддршката на жените лидери е инвестиција во посилна економија и посилно општество, порача министерката за финансии, Гордана Димитриеска-Кочоска, на јубилејното 30-то издание на манифестацијата „Избор на најуспешни жени менаџери“.
Министерката потенцираше дека поддршката на жените во економијата и претприемништвото не е само прашање на родова еднаквост, туку и на одржлив економски развој.
„Поддршката на жените во економијата, претприемништвото и лидерството значи поддршка на економскиот развој. Секоја жена која создава нова вредност придонесува за посилни компании, поконкурентна економија и посилно општество“, посочи Димитриеска-Кочоска.
Таа нагласи дека институциите имаат обврска да продолжат со создавање средина во која жените ќе имаат уште поголема поддршка за професионален развој, лидерство и претприемништво, како и да бидат инспирација за младите генерации.
