Просечната месечна исплатена нето-плата по вработен во февруари годинава изнесувала 46.159 денари и во однос на февруари минатата година е повисока за 7,2 проценти – објави денеска Државниот завод за статистика.
Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Административни и помошни услужни дејности за 12,3 проценти, Рударство и вадење камен за 10,6 проценти и Снабдување со вода; отстранување отпадни води, управување со отпад и дејности за санација на околината за 9,4 проценти.
Намалување на просечната месечна исплатена нето-плата по вработен, во однос на претходниот месец, е забележано во секторите: Земјоделство, шумарство и рибарство за 5,7 проценти, Други услужни дејности за 5 проценти и Уметност, забава и рекреација за 4,6 проценти.
