На предлог на гувернерот на Народната банка, Трајко Славески, Собранието ги избра Ана Митреска и Игор Величковски за вицегувернери на Народната банка, коишто ќе ја извршуваат оваа функција во наредните седум години.
Ана Митреска е реизбрана за втор мандат на функцијата вицегувернер, откако првпат беше именувана во октомври 2018 година. Игор Величковски е избран за вицегувернер како истакнат професионалец во областа на платните системи и финансиските пазари.
Со изборот на новите вицегувернери, велат од Народната банка, се обезбедува непрекинатост во спроведувањето стабилна и кредибилна монетарна политика заради одржување на ценовната стабилност и за поддршка на економскиот развој.
