Министерот Хоџа и заменик-министерката Зеколи-Шаќири во посета на Долнени

Министерот за животна средина и просторно планирање, Муамет Хоџа, заедно со заменик министерката за транспорт и врски Калтрина Зеколи-Шаќири денеска ќе оствари работна посета на општина Долнени.

Како што информираат од МЖСПП, во рамки на посетата, ќе се одржи средба со градоначалникот, по која министерот ќе изврши увид во тековните проекти што се реализираат со поддршка на Министерството, со фокус на инвестициите во водоснабдување, управување со води и комунална инфраструктура.