Министерот за здравство Азир Алиу поддржува дополнителна дејност кај лекарите и сите можности што може да ги имаат вработените во здравството, но со строго дефинирани правила.
Според него, доплнителната дејност никако не смее да ги влоши процесите во јавниот здравствен систем и не смее листата на чекање да се зголеми, на товар на граѓаните и на дополнителната дејност.
– И уште еднаш напоменувам, бидејќи имаше шпекулација дека министрот е против дополнителната дејност, што не е точно. Јас сум за секој процес кој ќе придонесе кон здравствениот систем во државата, да може тоа да го поддржиме и законски и институционално, но никако да се вложи здравствениот систем, истакна Алиу на денешната прес-конференција во Министерството за здравство.
Нагласи дека и приватните здравствени институции се дел од здравствемиот систем во државата и оти граѓаните кои што се лекуваат во приватните здравствени институции се наши граѓани.
– Дополнителна вредност е ако некој доктор кој ќе работи во јавна здравствена установа да може да биде интересен и за приватниот сектор, бидејќи во приватниот сектор никогаш нема да ве вработат или да ви нудат можност за соработка, ако не сте стручен во областа. Мораме да бидеме претпазливи и да не ги спречиме процесите кои што придонесуваат позитивно кон здраствениот систем, но уште еднаш да не дозволиме тие процеси да се злопотребуваат, рече Алиу.
