Лошиот рејтинг на СДСМ од 4,9 % и 3,6 % на Филипче, поради новиот ПР-шеф на СДСМ, Зоран Башановиќ, не го допира Филипче бидејќи тој живее во свој паралелен универзум, се вели во соопштението од ВМРО-ДПМНЕ, во кое се пренесува прес-коференцијата на Валентин Манасиевски, член на Централниот комитет на партијата.
СДСМ и Филипче со месеци ги лажеа граѓаните дека новите анкети ќе покажат пад на довербата на граѓаните кон ВМРО-ДПМНЕ, а таа доверба кон СДСМ ќе се зголемела. И ова секојдневно го повторуваа со месеци на прес-конференции.
Но, со последната анкета, која излезе во јавноста, повеќе од јасно е дека СДСМ на следните избори ќе се соочи со многу лош резултат, односно не би не изненадило доколку освојат помалку од 100.000 гласови.
На „Бихаќска“ никако да им дојде памет дека треба да ги променат политиките и да ги променат новите ПР-шефови Башановиќ и Шчекиќ, луѓе кои поради насока на Заев се таму и го уништуваат СДСМ. Венко Филипче, поради послушност кон Зоран Заев, ова и го дозволува.
Дека Филипче е сè уште послушник кон Заев и неговите луѓе се дел од таканаречените нови структури на СДСМ, е поставувањето на Стојан Коциров за директор на фирмата „Сара инженеринг“ ДОО Струмица, која важи за блиска фирма на семејството Заеви, односно Вице Заев до пред само некоја година ја водеше оваа фирма.
Сè додека Венко Филипче го води СДСМ, а партијата и натаму не се оградува од Заев, СДСМ нема да може да се реформира и ќе продолжи да тоне.
ВМРО-ДПМНЕ останува партија со најголема доверба кај граѓаните со 24 проценти. Продолжуваме со исто темпо на работа, нови проекти и успешни мерки за граѓаните.
