Основците, средношколците и децата од предучилишна возраст од детските градинки и училиштата на подрачјето на општина Валандово, денес со садење палми го одбележаа доаѓањето на пролетта.
Во активноста учествуваа вработените во училишните и предучилишните институции кои на децата им покажаа како да се засади новата садница, а покрај нив во акцијата се вклучија и вработени од јавните институции, волонтери и граѓани.
Еколошката акција, како што велат од општината, има за цел да се раззеленат училишните дворови и да се унапреди животната средина, но и да се подигне еколошката свест кај граѓаните.
Како што информираат од општина Валандово, палмовите садници се обезбедени преку донација, а се садеа во сите населени места.
