Високата претставничка за надворешна политика на ЕУ Каја Калас, предложи нов модел за деблокада на Ормутскиот теснец, инспириран од иницијативата за извоз на украинско жито преку Црното Море. Пред состанокот на министрите за надворешни работи на ЕУ, Калас откри дека веќе разговарала за ова прашање со генералниот секретар на ОН, Антонио Гутереш.
Таа предупреди дека блокадата не влијае само на енергенсите, туку и на пазарот на храна поради извозот на ѓубрива. Калас потенцираше дека доколку не се обезбеди транзит на ѓубрива годинава, следната година светот ќе се соочи со сериозен недостиг на храна.
