Премиерот Христијан Мицкоски информираше дека остварил средба со претставници на нафтената индустрија во државата, на која се разговарало за актуелната состојба со нафтените деривати.
Како што посочи во објава на социјалните мрежи, на состанокот биле разгледани состојбите имајќи ја предвид кризата на Блискиот Исток и глобалните предизвици со кои се соочува оваа индустрија.
„Заклучивме дека нема простор за загриженост и дека состојбата е целосно под контрола. Залихи на горива има и нафтените потреби целосно се задоволуваат“, наведува премиерот.
Тој додава дека институциите ќе продолжат будно да ја следат состојбата и ќе реагираат во зависност од реалните потреби.
Целата објава може да ја погледнете на следниот линк:
