Педесет и седум жени вчера не отидоа на осмомартовското патување на Кипар поради воените дејствија во Иран. Тие стравувајќи за нивната безбедност не сакаат да одат на патувањето и затоа се одлучиле на ваков чекор. Инаку во понеделникот МНР апелираше до сите граѓани да се воздржат од патувања во земјите кои се засегнати од воениот конфликт меѓу кои беше и Кипар. Групата на жени кои требаа да патуваат побарале од агенцијата Стаф да им ги рефундираат средствата, но од таму им рекле дека средствата не може да се рефундираат и во замена за тоа им понудиле ваучер кој би го искористиле во некој следен период.
-Цело време агенцијата лажно ја кристеше ситуацијата манипулативно пристапи кон нас патниците за да дојде до момент да одбие да ги рефундира средствата и ненавре,емо не информираше по нашите барања. Ние навремено имавме и телефонски разговори, навремено имавме и мејл комуникација со агенцијата и навремено имавме и вибер комуникација, и за тоа како ќе оди целата постапка. тие прашања ги игнорираа од наша страна и цело време не се секирајте безбедно е, да стигне до момент да не можат да ни ги рефундираат средствата – вели Билјана Цветковска.
Директорката пак на Агенцијата за Алфа истакна дека тие ќе им вратат дел од средствата кои се платени за хотелот но во однос на авионскиот превоз не може да се регулира бидејќи Авионот вчера вчера полетал кон Кипар.
-Нормално, ние сме во комуникација со странките и како што им испративме не мејл, ние се откажуваме од средствата кои агенцијата би требало да ги заработи,иако од ноември работиме и тоа се средства на агенцијата. Ова е непредвидена ситуација и ние се откажуваме од нив, се откажуваме од административните трошоци кои што ги имаме направено, од трошоци за пратител, водич, трансферот таму кој што нема да бидат реализирани – вели Ана Марија Алексова Милева директорка на aгенција Стаф.
Од агенцијата додаваат дека има законски рок и странките ќе бидат известени кога ќе бидат обештетени во форма на кредит кој би можеле да го искористат. Ова е прва реакција на граѓани кои поради вонредната состојба во Иран не отидоа на своето патување. Иако имаше официјална пртепорака од МНР да не се патува во засегнатите подрачја сепак вчера Авионот на Визер за Кипар полетал. Од Министерството за надворешни работи пред два дена информираа дека постојат обиди на Иран да таргетира повеќе држави во регионот, меѓу кои Израел, Обединетите Арапски Емирати, Катар, Кувајт, Бахреин, Саудиска Арабија, Либан и Ирак, како и британската воена база на територијата на Република Кипар. Поради тоа, повторно апелираа до сите државјани на Македонија да се воздржат од непотребни патувања во поширокиот регион на Блискиот Исток.
Поради тоа, повторно се апелира до сите државјани на Македонија да се воздржат од непотребни патувања во поширокиот регион на Блискиот Исток.
Виолета Петровска Периќ
