Македонската економија остварила раст од 3.8% во третиот квартал од минатата година, а сите макроекономски показатели се стабилни. Ова е оценката што ја изготви советот на Нардоната Банка.
„Реалниот раст на БДП изнесува 3,8%, малку над очекувањата. Податоците од високофреквентните индикатори упатуваат на продолжен раст и во четвртиот квартал. Просечната стапка на инфлација за 2025 година изнесува 4,1%, што е блиску до предвидените проекции. Девизните резерви достигнаа високо ниво“ се наведува, меѓу другото во соопштението од НБРМ.
