Започнува 62-та Минхенска безбедносна конференција, од која дел е и владина делегација предводена од премиерот Христијан Мицкоски. Според најавите ќе се остварат голем број значајни средби со влијателни политички фигури. Пред стартот на Конференцијата премиерот Мицкоски информираше дека веќе се сретнал со менаџментот на една од најмоќните германски компании Шварц Груп, на која се разговарало за инвестиции во Македонија во иднина.
-Денеска во Минхен остварив работна средба со менаџментот на германскиот гигант Schwarz Group, под чија капа работат светски познатите брендови „Lidl“ и „Kaufland“. Разговаравме за нивните планови за инвестиции, отворање нови работни места и модернизација на трговскиот сектор во нашата земја, напиша Мицкоски на Фејсбук.
Покрај тоа предвидено е премиерот и владиниот да се сретнат и со други економски гиганти, кои би помогнале за дополнителен раст на економијата, поголем број работни места, подобар животен стандард на граѓаните.
-Ги отвораме вратите за домашните компании да ги пласираат своите производи во големите европски синџири. Продолжуваме да разговараме и привлекуваме реномирани светски компании кои веруваат во потенцијалот на нашата држава!, напиша Мицкоски.
Како што соопшти владината прес служба, во Минхен ќе се реафирмира определбата на државата за предвидлив и фер процес на интерграција во ЕУ, без дополнилтени билатерални условувања. Мицкоски е придружуван покрај од Муцунски и од министерот за одбрана Владо Мислајловски
Во рамки на конференцијата, шефот на Владата ќе оствари повеќе билатерални средби со европски лидери, високи претставници и раководители на меѓународни безбедносни институции.
На конференцијата ќе учествуваат повеќе од 1.000 делегати од над 115 земји, вклучувајќи 60 шефови на држави и Влади, како и и претставници на големи меѓународни организации.
Матеја Петровски
