Поголема поддршкка за младите и нивно поактивно учество во носењето одлуки – ова се дел од најавите од регионалниот форум посветен на младите, локалната смоуправа, мирот и безбедноста. Министерството најавува активирање на младинска картичка, која ќе овозможи попусти и поволности за младите, но и платформа преку која директно ќе се следат нивните проекти и потреби.
„Проектите за младите, комплетно да се направи една платформа , која што е започната како постапка во самото Министерство, каде што сите буквално проекти ќе се канализираат во еден систем и ќе ги гледаме најдиректно. Ја откочивме работата која се однесуваше на младинската картичка, која беше заборавена долг период и со тоа веќе сме во напредна фаза. Тие се неколку проекти кои што директно ќе ги инволвираат младите.“, вели око Велковски, министер за социјална политика, демографија и млади.
Покрај мерките на централно ниво, важна е и улогата на општините. Младинските совети, центрите за млади и службениците задолжени за младински прашања треба да бидат врската меѓу младите и локалната власт. Според најавите, повеќе од 80 проценти од општините веќе имаат формирано вакви совети. Градоначалникот, Орце Ѓорѓиевски како позитивен пример ја посочи денешната конститутивна седница на Младинскиот совет на Град Скопје, која се оддржува после долг период.
„Денеска на мое огромно задоволство, после многу години првата конститутивна седница ја има Младинскуиот совет и сметам дека тоа ќе прогресиора и во перспектива, давајќи резултати и целосна вклученост на младите. Ние навистина имаме мудра младина која што треба позитивно да ја насочиме да учествува во сите процеси. Започнувајќи од локалната и заврѓувајќи до централната Власт. Вчера бевме сведоци, на новата апликација на Град Скопје која што токму млади ентузијасти ја изработија.“, изјави Орце Ѓорѓиевски, градоначалник на Скопје.
Дополнително, за оваа цел, на 1-ви октомври беше потпишан меморандум за соработка меѓу ЗЕЛС, Министерството за социјална политика и Националниот младински совет, за поголема вклученост на младите во локалните процеси. Покрај формирањто на планови, клучно е најавените мерки да се спроведат во парктика. Младите да добијат конкретни поволности, но и можности нивните идеи да влијаат врз одлуките што се носат во нивно име.
