Судскиот совет веднаш да ја провери скандалозната одлука на судијката Магдалена Мишоска од Гостивар која ја казни со 700 тини евра новинарката Лиридона Вајсели за злоупотреба на лични податоци“, само затоа што во новинарско известување го спомнала името на судијата Назиф Илјази од Тетово. Вејсечи поднела и жалба до гостиварска Апелација. Таа освен што го повикува Судскиот совет да постапи, бара од надлежните да се провери и обвинителот што го поднел казнениот налог, а ги информирала и сите амбасади. Небулозно е тоа што новинарската објавата се однесува на пресудата на судијата во која досудил, само 3 месеци затвор за закани со видеа со порнографска содржина упатени кон малолетник и во тој контекс е објавено името на судијата.
Овој преседан во македонското судство предизивка лавина реакции во јавноста. Дел од правната фела кривичниот прогон на Вејсели за наводна „Злоупотреба на лични податоци” според чл. 149 од КЗ само поради објавување на име на судија го нарекуваат директен напад врз новинарството.
Според реакциите во јавноста и познавачите на законот, членот 149 врз основа на кој таа е осудена е наменет за заштита на граѓаните од вистински упади во нивната приватност и злоупотреба на сензитивни податоци како на пример матичниот број. Во овој случај излегува дека овој член служи и е употребен како „правен штит” на функционерите од новинарите што истражуваат. Особено што Европскиот суд за човекови права јасно вели дека функционерите мора да имаат повисок праг на толеранција кон јавниот надзор, се дел од коментарите на социјалните мрежи.
Токму затоа обидот, името и презимето на судијата да се претстават како „заштитен личен податок” во контекст на вршење судска функција е правен апсурд. Исто така, дел од коментарите се и тоа дека судиите не се анонимни граѓани, туку носители на јавни овластувања. Тие делат правда во име на граѓаните на оваа држава, а пак, присуството на јавноста во постапката е уставно загарантирана.
Оваа пресуда на нозе ги крена сите новинарски здруженија, голем број новинари јавно и дадоа подддршка на Вејсели. Реагираше и Агенцјата за аудио и аудиовизуелни медиумски услуги којашто изрази сериозна загриженост за пресудата додаваќи дека ова испраќа негативна порака за слободата на медиумите.
