Во СДСМ работат и за празник. Денеска повторно седнале и напишале соопштение кое е тешко да се прочита, а уште потешко да се разбере. Секако, тема на соопштението е Алфа ТВ. Меѓу другото, прашуваат зошто Алфа ТВ е организатор на, како што ја нарекуваат, ни малку наивната „лажна вест“ за аферата за која зборуваше доктор Жан Митрев.
Понатаму констатираат дека ова не е новинарство, туку кампања за дефокусирање од вистинските проблеми. Потоа следи обвинување дека Алфа ТВ е дел од истата машинерија која ја поткопува европската иднина на Македонија.
За СДСМ, во денешното соопштение е важно да потсетат и на истрагата за реклами вредни 3,2 милиони евра од унгарски компании поврзани со Петер Шац, унгарски медиумски тајкун близок до Виктор Орбан, кои се користеле за поддршка на Никола Груевски и против Зоран Заев.
Од СДСМ велат: ова не е независно новинарство, ова е алатка за пропаганда.
