Агенцијата за аудио и аудиовизуелни медиумски услуги (АВМУ) денеска соопшти дека четири медиуми го прекршиле изборниот молк на Повторените локални избори, кои се одржаа на 11 јануари во општините Гостивар, Врапчиште, Маврово и Ростуше и Центар Жупа.
Од АВМУ посочуваат дела при надзорот над изборното медиумско претставување на програмата на МРТ 1, МРТ 2, ТВ 24 Вести и ТВ Алфа, Агенцијата констатираше прекршување на член 76-б став 3, а во врска со член 69-а став 2 од Изборниот законик, односно прекршување на изборниот молк.
-Прекршувањето кај сите медиуми е сторено на 10 јануари 2026 година, за време на изборниот молк за Повторните локални избори 2026. Извештаите од надзорите се достапни на линковите: МРТ 1 (член 76-б од Изборниот законик) – 13.01.2026, МРТ 2 (член 76-б од Изборниот законик) – 13.01.2026, ТВ 24 Вести (член 76-б од Изборниот законик) – 13.01.2026, ТВ Алфа (член 76-б од Изборниот законик) – 13.01.2026, велат од АВМУ.
Член 76-б став 3 од Изборниот законик вели „При известувањето во деновите на изборниот молк, ќе се смета дека медиумите го прекршиле изборниот молк доколку емитуваат, односно објават какви било информации, фотографии, аудио и аудиовизуелни материјали поврзани со или во кои учествуваат учесници во изборите, какви било облици на медиумско известување кои се отворено или прикриено во функција на нечија изборна кампања и можат да влијаат врз одлуката на избирачите, податоци со кои го откриваат идентитетот на политичките субјекти и/или на поединци вклучени во инциденти или други неправилности на денот на гласањето како и изјави од кандидати во изборниот процес, од учесниците
во изборна кампања, од претставници на политички партии, и од носители на функции во органите на власта“), а во врска со член 69-а став 2 од Изборниот законик („Изборната кампања започнува 20 дена пред денот на изборите и во првиот и вториот круг на гласање не смее да трае 24 часа пред денот на изборите и на денот на изборите“).
