Во рамки на предизборните активности, кандидатот за градоначалник на Општина Гостивар, Невзат Бејта оствари повеќе средби со жителите на населените места на источниот дел од општината.
Кандидатот кој е поддржан од Коалицијата Вреди во селото Чегране од кои слушна кои се нивните барања и очекувања од новата власт.
– Кога раководев со општината ветив и остварив и жителите на Чегране се благодарни за асфалтирањето на патот Чегране – Тумчевиште, за уредувањето на спортската сала. Сега им ветив дека во овој мандат ќе го изградиме и Домот на културата. Оттука ја најавувам победата на овие избори, рече Бејта.
Тој најави и дополнителна поддршка за прволигашот ФК „Арсими“, за кој рече дека е гордост на Чегране. Финансиска поддршка е најавена и за КУД „Јахи Хасани“.
Кандидатот за градоначалник Невзат Бејта на средбите кажа дека во програмата е посветено внимание на нови инвестиции, на јавната хигиена со поставување подземни контејнери и повеќе грижа за зелените површини.
– Време е да ја зајакнеме локалната економија, преку поддршка на домашните бизниси и намалување на невработеноста и тоа го имаме предвидено, рече Бејта.
Претходно на средба со жителите на соседното село Форино, им ја претстави изборната програма за повторните избори која предвидува за една година реализација на 25 проекти, новиот пат до Гостивар, со што ќе се олесни сообраќајот во целиот регион.
– По 11 јануари нè очекуваат големи работи за да имаме општина со функционални населени места и современи услови, посочи кандидатот за градоначалник Невзат Бејта
Тој во рамки на вчерашните активности во предизборната кампања имаше средби и со жителите на селото Чајле и населбата Питарница.
– Слушнав многу разочарани луѓе поради игнорирањето во изминатите осум години од локалната власт. Сепак, тие изразија благодарност за проектите реализирани за време на мојот мандат. Заедно, со големата победа на 11 јануари, ќе го вратиме институционалното внимание, одржливиот развој и неопходните инвестиции во секоја населба на Гостивар, рече Бејта.
На средбите поддршка за кандидатот на Вреди побараа и Беким Сали првиот вицепремиер и министерот за здравство Азир Алију.
