Епископот велички Никола претпладнево во храмот „Свети Великомаченик Димитриј“ во Битола со свештенослужители одржа Божиќна литургија.
Според востановената традиција на утринската богослужба учествуваше и градоначалникот Тони Коњановски, годинава придружуван од заменик градоначалничката Марина Крстиќ и членови на Советот на Општина Битола.
-Посакувам овие празнични денови да ги поминеме во мир и разбирање, а секој дом да биде исполнет со семејна топлина и благосостојба. Нека ни е среќен големиот христијански празник Божик, истакна градоначалникот Коњановски.
