Нов ден, нов доказ дека власта сака да ја задуши слободата на говор и да воведе цензура со неуставната Резолуција. Пратеникот на ДПМНЕ, Бојан Стојановски, синоќа, во интервју на Сител Телевизија потврди се она што го говориме цело време. Фалејќи ја Резолуцијата Бојан Стојановски вели „Ова е добро за медиумите“ бидејќи ќе се „санкционирало ширењето невистини во јавноста“, се вели во изјава на Петар Огњеновиќ, член на Извршниот одбор на СДСМ.
Они да бидат тие кои ќе оценуваат што е вистина што е лага. Ја видовме нивната „вистина„ преку секојдневните дефокусирања со лажни вести.
Значи Стојановски потврди дека неуставната резолуција не е насочена само кон осуда на опозицијата, туку и кон медиумите. Заради темата мигранти за пари.
Што е следно? Кривични пријави, прогон, декрет? Забрани за медиумите да објавуваат вести кои не и одговараат на власта?
Слободните медиуми се клучна алка во секое демократско општество и обидот за нивно замолчување е дело само на авторитарен режим.
Сите што ја критикуваат власта ДПМНЕ ги прогласува за дезинформатори!
Оваа е режимска матрица каде секоја критика се толкува како закана за државата.
Нема да ви дозволиме.
Правдата ќе победи.
