По повеќечасовна седница на централниот одбор, СДСМ ги објави имињата кои влегуваат во највисоките тела на партијата. Потпретседатели ќе бидат поранешна министерка за труд и социјална политика, Јована Тренчевска, и лекарот Александар Трајановски, кој беше изгуби на локалните избори во трката за Аеродром.
Генерален секретар останува Александар Димитриевиќ, додека организациски секретар е повторно Љупчо Фармаковски. Во раководството се враќа и Ана Чупевска, која сега ќе го предводи новооформениот совет на партијата, а претходно си поднесе оставка од функцијата потпретседателка.
Меѓу новите членови на извршниот одбор кои се предлагаат ќе биде Јон Фрчкоски кој претходно се повлече од политиката откако за него се појави видео во кое најверојатно консумира кокаин, како и Филип Андов-Сокол на кого му се суди за злоупотреба на службената положба како поранешен директор на затворот на Идризово.
Пред да бидат објавени имињата од партијата порачаа дека тие имаат најдобри кадри.
