Градоначалникот на Општина Карпош, Сотир Лукровски, денеска истакна дека општината ќе продолжи активно да ги развива културните активности и да го поттикнува културниот живот во својот регион.
Градоначалникот ја информираше јавноста за претстојните проекти и културно-забавни настани кои ќе бидат дел од програмските активности на Општина Карпош за наредната година. Општината ќе продолжи да ги поддржува сите културни работници, особено младите, чија креативност и работа ќе ја збогатуваат културната ризница, не само на општината, туку и на градот Скопје.
Во рамки на плановите за иднината, Лукровски посочи дека особено внимание ќе се посвети на заштита на културното наследство и одржување на културни настани на територијата на општината. Општината располага со значајни локалитети, меѓу кои Хавзипашините конаци, Аквадуктот, археолошкиот локалитет Скупи и Св. Пантелејмон во Нерези, кои ќе бидат вклучени во идните културни проекти и активности.
