Загадувањето на воздухот е причина за поголема смртност во државата

До девет новороденчиња во Македонија умираат поради аерозагадувањето, покажуваат последните извештаи на УНИЦЕФ. Според истиот извештај, во 2024 година Скопје било меѓу првите 10 најзагадени градови во светот. Докторите алармираат дека загадениот воздух е втор најголем ризик-фактор за предвремена смртност. Советникот од Град Скопје, кој е дел од невладиниот сектор, апелира до државата и до граѓаните да ја зголемат својата свест, бидејќи домаќинствата и индустриите се најголеми виновници за аерозагадувањето.