По две децении владеење, падна бастионот на СДСМ-Струмица. По само неполни два часа од затварањето на избирачките места веќе беше јасно дека СДСМ губи, а ВМРО-ДПМНЕ победува. Уште во првиот круг струмичани, избраа нов градоначалник.
Со 5339 гласови повеќе Петар Јанков, од ВМРО-ДПМНЕ, го претрка својот противкандидат од СДСМ, Марјан Даскаловски. „Победи вољата на граѓаните”, порача Јанков, ветувајќи им препородување на градот и заблагодарувајќи се за довербата.
„После дваесет години сега со преземањето на локалната власт наша цел е да видиме во која фаза се започнатите проекти и да ги довршиме, со што ќе испорачаме поквалитетна услуга до граѓаните. Новите проекти кои се предвидени во нашата програма се базирт на реалните потреби на граѓаните. Во наредниот период веднаш ќе почнеме да работиме, се со цел да го оствариме она што сме го ветиле на граѓаните„ изјави Петар Јанков, новиот градоначалник на Струмица.
Црната кампања, притисоците и уцените не ги поколебаа струмичани да ја променат својата одлука. Гласајки за Јанков, граѓаните јасно кажаа дека се презаситени од контроверзното и скандалозно владеење на фамилијата Заеви, која добро ја искористи дваесетгодишната власт на СДСМ. Јанков, извојува убедлив триумф и во родното село на Заеви, Муртино, што уште повеќе ја потврди изборната победа во Струмица, каде граѓаните јасно покажаа дека сакат почист и поуреден град
Освен во Струмица, СДСМ, изгуби во Берово и Делчево-општини кои на крајниот Исток, важеа за нивни бастиони. Во Штип, со разлика од 12.826 гласа, Иван Јорданов, го победи својот противкандидат и стана градоначалник со најдобри изборни резултати на Истокот и Југоистокот. Тој ќе биде и првиот градоначалник на кој штипјани, за прв пат му дале поддршка за втор последователен мандат.
