Хамас синоќа ги предаде четирите израелски заложници, по заканите од Израел дека ќе ја преполови хуманитарната помош за Газа. Граничниот премин Рафах меѓу Израел и Газа не е отворен и покрај најавите дека преку него ќе влезе хуманитарната помош. Израелската војска по прегледот од Националниот институт за судска медицина соопшти дека едно од четирите тела што Хамас ги предале не се совпаѓа со ниту еден заложник. Американскиот претседател Доналд Трамп изјави дека сака да ги врати починатите заложници од Газа и го предупреди Хамас да се разоружат.
„Не морам да ви го објаснувам тоа. Но, ако не се разоружат, ние ќе ги разоружаме. Тие знаат дека не играм игри. Сега, направивме нешто монументално. Ги вративме заложниците. Тоа беше првото нешто што мораше да го направиме“ вели Доналд Трамп, претседател на САД
Премиерот на Израел, Бенјамин Нетанјаху во интервју на CBS News порача дека ако Хамас не се согласи да се разоружа според мировниот план на Трамп, на Газа ќе и се случи пекол.
„Во предвидлива иднина, не само за Израел туку и за слободниот и цивилизиран свет, неопходно е да се задржи способноста за одбрана бидејќи слободата не е трајна, ниту автоматска“ вели Бенјамин Нетанјаху, премиер на Израел
По повеќе од две години војна во Газа, во Египет на мировен самит беше потпишан договорот за мир на Блискиот Исток. На церемонијата присуствуваа над 20 светски лидери, но не и израелскиот премиер.
Давид Крстевски
