Се поголем број македонски граѓани се соочуваат со анксиозност и депресија , но за разлика од минатото младите денес се посвесни за своето ментално здравје. За проблемите со кои се соочува еден човек треба да се разговара отворено, но се уште постојат и предрасуи. Лекарите на светскиот ден на менталното здравје со пораки за поддршка и поголема свесност.
„Најчести предизвици кај младата популација се анксиозните, но најмногу треба да внимаваме на депресивните кои водат кон ризик од самоповредувачко и самоубиствено однесување кое за жал, не е исклучено кај младата популација“, вели д-р Славица Арсова, директорка на Клиниката за психијатрија.
Арсова посочи декапо несреќата во Кочани, сè поголем број млади бараат психолошка поддршка.
Од Фондот за здравство велат дека грижата за менталното здравје е еден од приоритетите на здравствените власти. Од оваа година, за првпат е воведен и скрининг за депресија кај младите, во кој се вклучени и матичните лекари.
„Она што ФЗОМ го направи е за првпат вклучивме состојба на ментално здравје во превентивни цели кај матичните доктори. Значи вклучено е рано откривање на депресија кај млади до 35 години како превентивна цел. И матичните лекари сите низ целата земја ќе имаат зада да поминуваат еден дел од осигурениците и граѓан ите и да детекрраат такви состојби“, изјави Сашо Клековски – Директор на Фондот за здравство во Македонија.
Под мотото „Пристап до услуги за ментално здравје при итни и кризни состојби“ на градскиот плоштад „Македонија“ беше одбележан Светскиот ден на менталното здравје. Настанот, собра здравствени професионалци, студенти и граѓани од каде веа испратени пораки за заедништво и поддршка. „Заедницата лекува. Никогаш не си сам, запомни“, „насмевни се на денот и тој ќе ти се насмевне“, „сподели, не чувај во себе“ – запишаа граѓаните на таблата што ја поставија професионалците од Клиниката за психијатрија.
